O relevo 2. Relevo peninsular

A España peninsular ou continental ten unha superficie de 493.458 km² (o 97,53% do territorio nacional) e as súas costas miden un total de 4.600 km aproximadamente. A altitude media é de 660 metros, e a anchura máxima da península é de 1.094 km. No relevo destaca a abundancia de sistemas montañosos, posto que case a metade da superficie é accidentada. A Meseta Central é o elemento principal do relevo porque está situada no centro do país, ocupa unha grande extensión e en torno a ela se articulan as cordilleiras e depresións.

As cordilleiras máis elevadas son as Cordilleiras Béticas, os Pireneos, a Cordilleira Cantábrica e o Sistema Central. O Sistema Ibérico, as Cordilleiras Costeiro Catalás, os Montes de Toledo e Serra Morena conforman zonas de media montaña, as máis abundantes nas zonas accidentadas. As áreas chairas compóñenas a Meseta Central, a depresión (ou val) do Ebro e do Guadalquivir, e as chairas litorais da costa mediterránea. Os mares que bañan o litoral español son o Mediterráneo polo nordés, este, sueste e sur, o Cantábrico polo norte, e o océano Atlántico polo noroeste e sueste.

O territorio español ademais presenta unha gran diversidade natural e humana, que vén dada pola variedade do relevo e polos contrastes climáticos propiciados por este, que determinan diferentes tipos de vexetación, de augas e de chans. Esta variedade do medio físico supón unha repartición desigual dos recursos naturais no espazo e, por conseguinte, das actividades económicas humanas, dando lugar a unha gran pluralidade de paisaxes humanas.